“Uè, Giuàn, te vist ul servizi dul TG de Rete 55 che parlava de l’AlpTransit?”
“No, Maria, gh’è un quaicoss de noeuv?”
“No, Giuàn, ma de noeuv gh’è che a Cittiglio han faa un incontro pubblico, te capì? Pub-bli-co, cun tüta la gent setada giò che ascultava e l’ha anca parlà, insèma a dü esperte: v’üna italiana, l’Assessore regionale alle infrastrutture Claudia Maria Terzi e l’altra Ticinesa, la responsabile della rete ferroviaria svizzera Roberta Cattaneo”.
https://www.youtube.com/watch?v=TW8MbYrsri0&feature=youtu.be
“E chi l’ha vorü ‘st’incontro?”
“Ul grüp de Insieme&Futuro, per la regia d’ul President Luca Marsico e l’Asesur de Cittiglio Antonio Cellina. Han parlà dell’opera, che la custa 25 miliardi de franch, destinada al trasport merci, che la paserà nell’alto varesotto, toccando anche Laveno, Luino e i noster valaa. Naturalment la paserà anca da Macagn.
Treni merci da 750 meter de lunghezza, te capì?
Capaci de traspurtà de tücc, merci pericolose comprese.
Han parlà de misure de sicurezza, con sensori «softevare» e meccanismi che segnalerann guast, cumprès i droni che scurteran i convogli, sorvegliando stabilità, andament ed equilibri.
Han parlà anca dei passaggi a livello e dei 30 miliun stanziaa che serviràn a resolv i prublemi de viabilità. 3 miliun e 300 mila Euro anca per i famili che saran espruprià da Laven Mumbell.
Nel dibattito han parlà anca della fragilità dul teritori, in parte trascüraa e pien de detriti di aluviùn”.
“Vabbè Maria, ma nüm se podum faa? Ormai in adrè a laurà dal 2017 e se pò mia turnà indrè”.
“Sì, al so, Giuàn, però mi disi: nüm sèm chi a vedè tücc sti cambiament, però de treni passeggeri ghe n’è quasi pü; ul TiLo che l’andava diretamèn da Bellinzona a la Malpensa ul gh’è pü.
Da mesi e mesi in adrè a faa di cambiament a la staziun de Macagn e in drè a cambià la strada de Pin, per via del pasàg a livèll.
Ne han parlàà a Luin, a Germignaga, in gir de chi e de là, ma chi, in dal nost paès se parla dumà al bar, sensa savé esatament cusa in dré a faa. Mi me rigordi del Mario Berti, che tanti ann fa ul diseva che sarià stada ‘na bèla roba fà ‘na galeria che pasava denter la muntagna in teritori svizer e la vegneva foeura a Luin, lasciando i paesìtt in riva al lac liberi de vèss dumà zone turistiche. Tel se rigordet ul Mario Berti?”.
“Sì Maria, l’eva chel sciur ch’ul g’aveva la Cartotecnica e che l’è stai ul prim presidènt de la Pro Loco. Ma ti te se dré a parlà dell’epoca de Gesü Crist! Parlèm del dì d’incoeu!”
“Va bèn Giuàn! Alùra: mi disi che chichinscì chi ‘l cumanda l’ha mai urganizà un’assemblea pubblica par spiegà ai cittadini cusa ‘l voeur dì Alptransit par ul nost paès, quali i risc e quali i vantagg par nùmm; qual è l’impatto ambientale e acustico; a quale velocità pasaran i convogli de 750 meter in paes, se ghe saràn barriere fono-assorbenti…
Insomma, Giuàn: va bèn che l’avèmm elegiü nüm, ma ‘na quai volta me piasaria che ul prim citadin sa scumudass a ciamà i citadin pubblicamente par digh quaicoss che riguarda tücc, anziché andà in gir a parlà in di alt paes, o truvàss dumà con gli alti vertici de la politica. L’è vèra che ul scriv sui social e i giurnal, ma la gent… la voeur propi no vedè. Forse gh’ha paüra dal dibatit, voeur no pulemic cunt chi la pensa no come lü. L’è püse facil dì: m’han vutà! Decidi mi! Domà mi al so chel che gh’è da savè!
“Oh signùr Maria! Te me paret Amedeo Nazzari nella Cena delle Beffe quand ul vusava: Chi non beve con me peste lo colga! Chi l’è propi ul caso da dì: chi non vota per me peste lo colga! Adès l’è ciapà con la presentazione dei candidati de la lista! V’ün al dì, o giò da lì, sui social. Ul gh’ha mia temp par nùmm!”
“A proposito de «Amedei»: tal set che l’Amedeo Dordi, ul geologo, l’ha scrivü sul «PiGgiTi» da Curiglia (a proposit de la Val Veddasca e limitrofe) che «… Il territorio è inoltre interessato da deformazioni gravitative profonde di versante (DGPV), costituite da porzioni anche vaste di pendio che si deformano lentamente secondo un meccanismo detto creep in roccia, sotto l’azione della gravità. Il risultato di questa deformazione degli ammassi rocciosi è osservabile nella morfologia di queste aree che presentano una zona di rilascio verso la cresta, caratterizzata da trincee e contropendenze in roccia, e una zona di rigonfiamento lungo il pendio, fino al fondovalle…»
Me piasaria propri che l’Amedeo vegniss a parlà cunt la gent, per savé anca se ul viavai di treni da 750 meter podaria fa sü un quai rebelott… Insomma Giuàn, A mi me sembra che in 35 ann chichinscì sia cambià nagott: v’ün cumanda, i sò soci stan cito e i cittadini se svirgulen ul dito a mett sü i mi piace sui social, inscì, dumà su la fiducia…”
